Prisvinnar frå Cannes som treff rett i hjarta. Léo og Remi er bestevener, men når dei startar på ungdomsskulen sklir dei fort frå kvarandre. Léo er meir opptatt av å passe inn og få nye vener, medan Remi ynskjer å halde på det som var og slit med å tilpasse seg den nye kvardagen. Close er ei sår og vakker oppvekstskildring om identitet og brytningstid. Filmen skildrar kor sårbart overgangen frå barn til ungdom kan vere. Det er ein film om vennskap og kjærleik, men også sorg og sakn. Close handlar om å miste nokon, og om å finne seg sjølv. Filmen vann ein av hovudprisane under årets filmfestival i Cannes – Grand Prix. «En av de vakreste, vondeste og varmeste filmene på lenge» Terningkast 6! – NRK, Filmpolitiet