Ei vinternatt på Holmlia mister 15 år gamle Benjamin livet – drepen av 19 år gamle Joe Erling, kun fordi han er mørk i huden.  Eit år seinare står mor til Benjamin, Marit, overfor einkvar forelders verste mareritt, rettssaka mot han som drap sonen hennar Me følger kampen til Marit i retten og gjennom tilbakeblikk til livet før tragedien blir to skjebner vovne saman. Benjamin veks opp omgitt av vener og ei mor som tar vare på han, medan Joe Erling blir forma i eit miljø prega av omsorgssvikt. Begge bur i område med lav sosial status. Benjamin opplever at politiet stigmatiserer han og Joe Erling glir inn i det nynazistiske Boot Boys-miljøet i søken etter tryggleik. Filmen skildrar kor sårbart det er når unge gutar prøver å finna ut av seg sjølv og kor dei høyrer til. – og kor katastrofale konsekvensane kan bli når hatet får rom til å gro. 25 år etter drapet på Benjamin Hermansen er dette ei historie me fortsatt må fortella – om rasisme, tap og håpet om forsoning i eit samfunn som ikkje må gløyma.