Krisestaben på Stortinget og leiar i Delta-troppen Anton Block blir stilt overfor den ultimate utfordringa når Noregs statsminister forsvinn. Ein terrorist pressar dei til å delta i eit dødeleg parti sjakk der kvart trekk set menneskeliv i fare. Medan klokka tel ned kjempar Anton Block og kompanjong Björk Jonsdottir for å redda statsministeren og avverga katastrofen som nærmar seg. Ein nasjon i sjakk er ein kommande actionthriller frå regissør John Andreas Andersen, kjent mellom anna for Nr.24 og Skjelvet. Filmen er basert på Johan Høst sitt kritikarroste bokfenomen som blei ein bestseljar i 2022.