Finn Tokvam & Olav Stedje

Billetter

Om arrangementet

Dei to gode venene Olav Stedje og Finn Tokvam opnar årets Falturiltu!

Året er 1981. Olav Stedje gir ut debutalbumet Ta meg med.

Albumet blir ein stor suksess, ikkje minst på grunn av klassikaren Vi vandrar saman som blir årets mest spelte låt.

Ta meg med blei starten på ei imponerande musikalsk karriere som til no altså har blitt 40 år.

Når Stedje besøkjer oss har han ikkje berre med seg songar frå desse førti åra. Han stiller også med tekstforfattar og venen Finn Tokvam. Saman skal dei snakke om åra på vegen og musikken. Det blir humor og alvor. Det blir populærmusikalsk sladder og rom sjølvsagt for allsong! Og viktigast av alt: Det blir røysta og gitaren til Olav Stedje. Du treng ikkje meir. Vi vandrar saman!