Flygel til lunsj: Havklang
Billettar
Om arrangementet
Ei kjærleikserklæring til havet. Musikk for sopran og piano av nordiske komponistar. Naturfotograf Jan Rabben står for det visuelle, med eigne bilete som bakteppe for konserten.
OM KONSERTEN
Havet. Uendeleg, trøystande, farleg, lokkande.
Under den spegelblanke overflata lurer enorme krefter, som brått kan forvandla det fredfylte til noko rasande og vilt.
Havet gir plass og rom til store tankar, og det har til alle tider vore ei inspirasjonskjelde for diktarar og komponistar. Konserten Havklang tek for seg ulike nordiske tolkningar av det evige blå.
Under den spegelblanke overflata lurer enorme krefter, som brått kan forvandla det fredfylte til noko rasande og vilt.
Havet gir plass og rom til store tankar, og det har til alle tider vore ei inspirasjonskjelde for diktarar og komponistar. Konserten Havklang tek for seg ulike nordiske tolkningar av det evige blå.
Musikk av Grieg, Sibelius, Backer-Grøndahl, Alnæs og Nyström, til tekster av Krag, Garborg, Vinje, Wergeland, Lagerkvist, m.fl.
OM UTØVARANE
Ingrid Vetlesen er sopran, med utdanning frå bl.a. musikkonservatoriet i Stavanger og Operaakademiet i København. I 2017 busette ho seg i Lillesand, og herifrå jobbar ho frilans med eigne og andre sine prosjekt, både som konsertsolist og kammermusikar.
Marita Kjetland Rabben er pianist – busett i Oslo, men opprinneleg frå Stord. Ho er utdanna ved Griegakademiet i Bergen, Musikhochschule Freiburg in Breisgau og Institutt for musikk, NTNU. Marita har jamnlege engasjement som solist, kammermusikar og akkompagnatør, og ho jobbar også mykje med eigne tverrkunstnariske produksjonar.
Ingrid og Marita har samarbeida sidan 2014, bl.a. i konsertserien Klassisk til skogs i Ekebergparken, turné med konsertprogrammet Wien og vals og fleire andre produksjonar.
Havklang har sidan 2021 blitt framført ei rekkje stader langs kysten på Sørlandet, Vestlandet og i Trøndelag. For tida arbeider Ingrid og Marita med oppfølgarkonserten Skogklang, som set fokus på nedbygging av norsk natur.