Heilt sidan premieren har Cathrine Frost spelt for fulle hus på Det Andre Teatret, Nationaltheatret, i London og på Fringe Festival i Edinburgh. Framsyninga fortel den sjølvopplevde historia om Cathrine Frost og møtet med lysta på å få barn og møtet med verda etterpå. Med humor og alvor radbrekker ho synet vårt på kva det vil seia å bli mamma og korleis vi forheld oss til den vesle, store handlinga det er å bli født. Visste du at Sokrates var gravid? Jaudå, stadig vekk! Han og kollegaene hans i tenketanken Aten meinte faktisk at dei fødde heile tida. Dei ga nemleg liv til det udødelege, reine og siviliserte: Til IDEEN! No er det derimot Cathrine Frost sin tur til å ta på seg togaen og ta styringa i sivilisasjonens vogge. Det har ho eigentleg få eller ingen føresetnader for å klara.

"Cathrine Frost bruker filosofi på en både snerten og morsom måte til å snakke om kvinnehelse" Aftenposten (5)

"Frost får publikum til å le og gråte om hverandre" A-Magasinet

"Her oppstår teatret på nytt, med én enkelt, kvinnelig protagonist." Sivilisasjonen.no

"En helt vanvittig bra forestilling." Lars Berrum

"Sokrates får straff, pankration-innføring og verdens råeste fødehistorie! Eg takkar deg Cathrine Frost." Sigrid Bonde Tusvik

"Morsomt, viktig og rørende om livets begynnelse." Christian Mikkelsen

Nominert til Heddaprisen 2023 for Beste Teaterforestilling

 

Varigheit: 90 minuttar (ingen pause)

Turnépremiere i Stokmarknes 19. mars 2025

 

Merk: Vi har opplevd at denne framsyninga kan verka sterkt på enkelte i publikum, og enkelte personar med hematofobi (blodfobi) har svima av. Framsyninga inneheld skildringar av kroppsvæsker, og skildrande detaljar frå ei konkret fødselsoppleving.

Det vert brukt strobelys i framsyninga.

Med Cathrine Frost. Manus Cathrine Frost Andersen, Mats Eldøen og Marie Ulsberg. Regi Mats Eldøen. Produsent Marie Ulsberg. Scenograf Monica Valsø. Kostyme Jenny Bernson. Lyd- og lysdesign Henrik Stoltz Vernegg. Produsent Riksteatret Anita Basmo Bjørnstad. Produsert av Det Andre Teatret, på turné med Riksteatret