Gjennom eit kort og utfordrande liv her på jorda skapte det musikalske geniet Franz Schubert ( 1797 - 1828) verk med evige verdiar. Gjennom hans personlege tonespråk kan me oppleva å røra både himmel og avgrunn.

Med MOMENTS MUSICAUX - Musikalske øyeblikk og WANDERER FANTASIE - Vandrer-fantasi, høyrer me ytterpunkt av komponisten sitt meisterskap: Korte, vakre og melodiske småstykke sett opp mot det monumentale verket om livets vandring.

Pianisten Rune Alver har lang fartstid som utøvar av Edvard Grieg sin musikk på Troldhaugen Edvard Grieg museum. Han har spelt ei rekke konsertar i europeiske land, USA, Kina, Russland og Sør-Afrika.
Rune Alver samarbeider med musikarar, skodespelarar og visuelle kunstnarar i tradisjonelle og eksperimentelle former. Han har spelt inn 
ei rekke kritikarroste CD-ar, mellom anna David Monrad Johansens (1888-1974), Johannes Rivertz ? (1902-1988) og Signe Lund sin (1868-1950) komplette klaverproduksjon, forutan musikk av Grieg, Schumann, Chopin og Torstein Aagaard-Nilsen.

Verka som blir framførte:

Moments Musicaux op. 94
Moderato 
Andantino 
Allegro moderato 
Moderato. 
Allegro vivace 
Allegretto

Wanderer-phantasie op. 15
Allegro con fuoco ma non troppo
Adagio
Presto
Allegro